Friday, April 25, 2014

@ 7:34 PM எழுதியவர்: வரவனையான் 1 மறுமொழிகள்










முதலில் வந்தது குமாஸ்தா ரங்கசாமிதான். நரிச்சிரிப்பு சிரித்துக்கொண்டு பம்பைத்தலையுடன் வரும் ரங்கசாமியைக்கண்டாலே கடற்கரைக்கு எரிச்சலாய் வரும். வக்கீல் பொன்மாயத்தேவர் ஏட்டுப்பள்ளியில படிக்கும் போதே ரங்கசாமியை குமாஸ்தாவாக்கிட்டாருன்னு கிண்டலா சொல்லுவாங்க, அவரு பொண்டாட்டியை விட ரங்கசாமிதான் அதிக நேரம் கூட இருந்திருப்பான். ஒரு நாளில்லாட்டி ஒரு நாளு காதோரம் கையை விட்டு பொடணி மண்டை பாகவதரு முடியை கொத்தா பிடிச்சி சொவத்துல நாலு இடிஇடிக்கனும்னு ரங்கசாமியை பாக்கும் போதெல்லாம் நெனப்பு வரும். ஒரு காரணமும் இல்லாம எதுக்கு இவனை கண்டாலே சுறுசுறுங்கிறது என்றும் தெரியவில்லை.

“என்னய்யா உங்க வக்கீலு நெலம ’கஞ்சிக்கு லாட்டரி கையில பேட்டரி’ன்னு ஆகிப்போச்சா, சாராயக்கேசுக்குல்லாம் வர்றீங்க”

“ என்ன கேசுக்குன்னு தெரியலை சார் ! நீங்க இருக்கிங்களான்னு எங்க சார் பாத்திட்டு வரச்சொன்னார், யாரோ முக்கியமானவுக போன் போட்டாக போல “

”வக்கீல் குமாஸ்த்தான்னா சார் போடுவீயா, அய்யான்னு சொல்றா வெண்ணை மவனே” மனதிற்குள் கறுவினார்.

” யோவ் ஸ்டேசனில் ஒக்கார வச்சிருக்கிறது ஒரு கேஸு, வேறென்னாத்துக்கு இங்க வர்றாராமாம், பம்பரம் வெளாடவா ? பழநி முன்சீப் கோர்ட்டுல ஒரு வேலை இருக்கு, நான் கெளம்பிட்டேன், சாயந்திரமா வரச்சொல்லு..

ரங்கசாமியின் தயங்கி எதோ சொல்ல வந்தான், படாரென எழுந்து இன்ஸ்பெக்டர் ரூமிற்குள் போன கடற்கரை
இன்ஸ்பெக்டரிடம் ” சார், வந்து முக்கா மணி நேரம் கூட ஆகலை, அதுக்குள்ள வக்கீலை புடிச்சாந்திருக்காய்ங்க, இவய்ங்க லேசுப்பட்டவனுங்க இல்ல” என்றார்.

அப்படி சொன்னதன் பொருள் எதும் சிபாரிசின் பெயரிலோ , காசு வாங்கிக்கொண்டோ விட்டுவிடாதீர்கள் என்கிற மறைமுக எச்சரிக்கை. 57 வயதில் நிற்கும் இன்ஸ்பெக்டரின் அனுபவத்திற்கு இது புரியாமலில்லை. பொதுவாக இது போன்ற ஸ்டேசன்களில் கடற்கரை போன்ற சட்டம் தெரிந்த உதவி ஆய்வாளர்கள் வந்து விட்டால், ஓய்வு பெறும் வயதிலிருக்கும் இன்ஸ்பெக்டர்கள், மகன்கள் தலையெடுத்தபின் அமைதியாக ஈசி சேரிற்கு போய்விடுவதைப் போல எதிலும் பெரிதாக தலையிட மாட்டார்கள். கிட்டதட்ட உதவி ஆய்வாளர்கள் தான் ஸ்டேசனை இயக்குவார்கள். கடற்கரை இங்கு மாற்றலாகி வந்த புதிதில் ஒரு சம்பவம் நடந்தது, அதன்பின்னரே இன்ஸ்பெக்டர் கடற்கரையை மேலதிகாரம் செய்வதில்லை. அது சின்ன திருட்டு வழக்குத்தான் என்றாலும் அந்த பையனை விசாரிக்கையில் ஹேபிச்சுவல் அஃபெண்டர் என்று புரிந்தது. லாரி ஜாக்கி திருடி மாட்டியிருந்தான். நாலு இழுப்பு இழுத்தால் இதுவரை எத்தனை ஜாக்கியை ஆட்டைய போட்டிருக்கிறான் என்று தெரியவரும். ஆனால் அதற்கு முன்னவே அவனை பிடித்து வந்து புகாரளித்த லாரி ஷெட்காரர் யாரோ சொல்லியோ அல்லது மிரட்டியோ புகாரை வாபஸ் வாங்க வந்திருந்தார். இன்ஸ்பெக்டரின் நண்பர் என்கிற கோதாவில்

“சரி சரி, அந்த பையனை கொஞ்சம் கண்டிச்சு அனுப்பி வைங்க , நான் வாபஸ் வாங்கிக்கிறேன், பொருளு ஏய்ங் கைக்கு வந்துருச்சு ” என்றார் அசால்ட்டாக.

”யோவ் எந்திரிய்யா, எங்களை என்ன குடியரசு தினத்துக்கு டிரம்ஸ் வாசிச்சுகிட்டு போற குட்டப்போலீசுன்னு நினைச்சியா, ஸ்டேசன் கட்டி , உள்ளார லாக்-அப் வச்சு கொடுத்திருக்கிறது என்னாத்துக்கு எவளையும் வச்சு குடும்பம் நடத்துறதுக்கா, ரெண்டு பேரும் சேந்துதான் திருடினிங்கன்னு எழுதி ரிமாண்டுக்கு அனுப்பிருவேய்ன் ஓடியே போயிரு” என்று விரட்டி விட்டிருந்தார். வெளியே பாராவிடம் எதோ கிசுகிசுத்துவிட்டு போனார் அந்த லாரி ஷெட்காரர். அவர் போனவுடன் பாரா போலீஸ் உள்ளே வந்து “இன்ஸ்பெக்டர் அய்யா வீட்டுக்கு வழி கேட்டுட்டு போறாருங்க என்றான்.

மாலையில் வந்த இன்ஸ்பெக்டர், ரைட்டரை அழைத்து ”அதான்

கம்ப்ளைண்ட் கொடுத்தவன் நொணாம்னா கூப்பிட்டு வாபஸ் எழுதி வாங்கிட்டு அனுப்பவேண்டியதுதானே, பெரிய லா படிதான் ஊம்புவிகளோ ‘ என்று சிடுசிடுக்கும் சத்தம் கேட்டவுடனே அவரின் டேபிளில் நிரப்பிய எப்.ஐ.ஆரை கொண்டுபோய் வைத்துவிட்டு “சார், சைன் பண்ணிட்டா ரிமாண்ட்க்கு அனுப்பிறலாம்” என்றார் கடற்கரை. இன்ஸ்பெக்டர் டென்சனாகி எழுந்து போய்விட்டார். காலையில் கிரைம் மீட்டிங் மதுரையில் இருப்பதால் அங்கு போய்விடுவார். அந்த திருட்டு பயலை உக்காரவச்சு சோறு போட்டுக்கிட்டு இருக்கணும் இல்ல எப்.ஐ.ஆரை கிழிச்சி போட்டுட்டு துரத்திவிடனும் ரெண்டே வாய்ப்புதான் உள்ளது என்று மனதில் நினைத்துக்கொண்டு இன்ஸ்பெக்டர் போய்விட்டார். இது ஒரு வகை கெட்டிக்காரத்தனம். திடீரென மேலதிகாரிகள் ரெய்டு வந்தால் ஏன் அக்கூயுஸ்டை கோர்ட்டில் ப்ரொடியூஸ் பண்ணாமல் விருந்துபச்சாரம் செய்கிறீர்கள் என்று கடற்கரைக்குத்தான் மெமோ கொடுப்பார்கள். இதை யோசித்த கடற்கரை, டக்கென்று எப்.ஐ.ஆரில் தனது கையெழுத்தை போட்டு அந்த பயலை தனது புல்லட்டில் நடுவில் உக்கார வைத்து உடன் ரைட்டர் மணிமாறனையும் ஏற்றிக்கொண்டு ஜட்ஜ் வீட்டிற்கே கொண்டு சென்று ரீமாண்ட் புரொடியூஸ் செய்தார். இரவு 8 மணி என்றதும் வாட்சை பார்த்தவாறே ”அவசர அவரசமா ஜெயிலில் அடைக்கிற அளவுக்கு அவ்வளவு தொந்திரவான ஆளா ?” என்று கேட்ட படி காவலில் அடைக்க உத்தரவிட்டார். ஒட்டுமொத்த ஸ்டேசனுக்கும் ஹெட் கான்ஸ்டெபிளில் இருந்து எஸ்.ஐ வரை முதல் தகவல் அறிக்கை என்கிற எப்.ஐ.ஆரில் கையெழுயெழுத்து போட்டு வழக்கு பதியும் உரிமை இருப்பது கடற்கரையின் செய்கையால் தெரியவந்தது. அந்த சம்பவத்தோடு இன்ஸ்பெக்டர் அடங்கிக்கொண்டார். கடற்கரையை கேட்காமல் எதுவுமே செய்வதில்லை. அவரின் வேலை தினமும் காலையில் ரோல்காலின் போது யார் யாருக்கு என்ன டூயுட்டி என்று பிரித்தளிப்பதுதான்.

’ நாளைக்கு குருத்தோலை நாளாம் சர்ச்சிலர்ந்து ப்ரொடக்ட்ஷன் கேட்டிருக்காங்க. வரவர எதுக்குல்லாம் போலீஸ் பாதுகாப்பு கேக்குறதுன்னு ஒரு வகைதொகையில்லாம போச்சு, அவங்களை யாருய்யா வம்பிழுக்க போறாங்க. அடிச்சாலும் இன்னும் ரெண்டு போடுன்னு சொல்ற சாமி கும்பிடுறவுகளை” என்று நரை மீசைக்குள் பல் தெரிய சிரிப்பார்.

போலீஸ் ஸ்டெரந்த் கம்மியா இருக்குன்னு ரிப்ளை கொடுங்க சார், வேணுமின்னா ஹோம் கார்டு நாலு பேர அனுப்புறேன்னு சொல்லுங்க சார் ! “ என்று கடற்கரை சொல்லுவார்.

அதான் கடற்கரை வேணுங்கிறது “ என்று ஸ்டேசனில் அத்தனை போலீஸ் நிற்கும் காலை 7 ரோல்காலில் அந்த நிலைய அதிகாரி சொல்லும்போது மற்ற போலீஸ்காரர்களுக்கு இயற்கையாகவே கடற்கரை மீது மரியாதை வந்துவிடும்.

கடற்கரை உள்ளே வந்து வக்கீல் குமாஸ்த்தா வந்த விவரத்தை சொல்லவும், இன்ஸ்பெக்டர் எழுந்தபடி
’கடற்கரை, என் பொண்ணும் மாப்பிளையும் வந்திருக்காங்க நான் அவங்களை கவனிக்கனும்,வேலை இருக்கு இந்த கேசை நீயே பாரு, பொம்பளைய வேற ஒக்கார வச்சிருக்க – இழுக்காம முடிச்சுவிடு” என்றபடி தொப்பையின் கீழாக கிடந்த ஃபேண்ட்டை இழுத்து மேல் வயிற்றின் மேல் போட்டு டிரைவரை கூப்பிட்டு வண்டி எடுக்க சொல்லி கிளம்பிவிட்டார்.

’வாங்கடி மாப்ளைகளா, உங்க சாராயத்தை மட்டும் அவய்ங்க வாங்கி குடிக்கனும், அவனுங்களை அரசாங்கம் கொடுத்த நெலத்துகுள்ள கால் வைக்கவுட மாட்டீங்க . இருங்க இருங்க உங்க பருப்பை கடையுறேன் ’ என்று மனசுள் நினைத்தவாறே இன்ஸ்பெக்டரின் அறையை விட்டு வெளியே வந்தால் குமாஸ்தா ரங்கசாமி நின்றபடியே இருந்தான்.
கடற்கரைக்கு ரங்கசாமியின் சிரிப்புதான் பிடிக்காது, நெருப்பை அணைக்க சீமெண்ணை ஊத்தின கதையாய், அந்த சிரிப்புடனே அருகில் வந்தான்.

சார், கோவிச்சுக்ககூடாது இன்னிக்கு கோர்ட் லீவு, நாளைக்கு தேதிய இன்னைக்குன்னு நெனச்சுகிட்டு இருக்கிங்க போல, நீங்க தேவையில்லாம 40 மைல் அலையக்கூடாதுன்னுதான் சொல்றதுக்கு நின்னேன்ங்க சார்” என்றான்.

பகலில் பைக்கில் போகும் போதும் மறந்தவாக்கில் ஹெட்லைட் எரியவிட்டு ஓட்டி வந்தால் சின்னஞ்சிறியவர்கள் முதல் பெரியவர்கள் வரை அது எதோ கொலைக்குற்றம் போல் எரியுது எரியுது என்பார்களே அதன் உட்பொருள் “ பகலு பளபளங்குது குருடான்னு வெளக்க போட்டுகிட்டு போறானே, இவன்லாம் எங்கிட்டு திருடன புடிக்கிறது “ என்கிற நக்கல்தான்.

எல்லா மயிரும் தெரியும், உம்ம வேலைய பாரும் – என்ற அடித்தொண்டையின் மெல்லிய உறுமலோடு கடற்கரை சொல்ல ரயில் பூச்சி சுருண்டு கொள்வதை போல ரங்கசாமி கூனிக்குறுகி ஓடிப்போனான்.

நேரே ரைட்டர் அறைக்கு போய் ” மணிமாறன், என் ரூமுக்கு வாங்க என்று சொல்லி விட்டு தன் அறையில் போய் அமர்ந்தார்.

ரைட்டர் மணிமாறன் வந்து, அய்யா சொல்லுங்கய்யா என்றதும்.

மோகன் போலீஸ் பலகாரம் சாப்பிட போயிருக்காப்ள வந்தவுடனே அவனுங்க ரெண்டு பேரையும் கூப்பிட்டு ஸ்டேட்மண்ட் வாங்கிக்குங்க அதாவது கடுக்காய் வாங்கிட்டு வரச்சொல்லியிருந்தாங்க செவத்தியாரும், எங்க பக்கத்து தோட்டத்துகாரர் ஊர் பெரியதனம் சவரிமுத்துவும், சரின்னு சொல்லி வாங்கி கொடுத்திட்டு அந்த காச வாங்கத்தான் நின்னுகிட்டு இருக்கும் போது போலீசார் எங்களை கைது செய்தனர்ன்னு எழுதி கையெழுத்து வாங்கிடுங்க. மோகன் போலீசை வச்சு அங்க மச்ச அடையாளம் குறிச்சு டவுசரோட உக்கார வைய்யுங்க, நான் ஆயுத்தப்படை மைதானம் போய் லேடி போலீஸை அனுப்ப சொல்றேன், லேடி போலீஸை வச்சு அந்த பொம்பளைகிட்ட ஸ்கார் மார்க்கும் பாடி மார்க்கும் எடுங்க, அவளை அக்கூயுஸ்ட் முணா போடுங்க ஏ 1 செவத்தியாரு ஏ 2 சவரிமுத்து புரியுதா எப்.அய்.ஆர் எவ்வளவு சீக்கிரமா முடியுமோ அவ்வளவு சீக்கிரமா ரெடியாகனும் புரியுதா, அப்படியே அந்தக் கண்டாரொலி மேல தனியா மோகனை அடிக்க வந்தா, கொலை செஞ்சுடுவேய்ன்னு மிரட்டினா, காவலர்களை பணி செய்யவிடாமல் தடுத்தான்னு 353ம் 506ம் தனி எப்.ஐ ஆரா போட்டு வைய்யு, குறைஞ்சது ஒரு வருசம் களி திங்க உட்டாத்தான் வாய் கொறையும் என்றார். கிட்டதட்ட 1000 சொற்கள் வரக்கூடிய செய்தியை முன்று வரிகளில் கடற்கரை சொல்லிவிட்டார். ஆனால் மணிமாறனுக்கு இதுபோதும் எப்படியெல்லாம் வார்த்தைகள் இருக்கவேண்டுமோ அப்படியெல்லாம் கோர்த்து எழுதிவிடுவார்.

பசிக்க துவங்கியது ரயில்வே கேட்ட்டில் காத்திருந்த போது சாப்பிட்ட டீ ஒரு மணி நேரத்துக்கு மேலவா தாங்கும். புல்லட்டை எடுத்து முத்தையா கடையை நோக்கி போனார். காலை 5 மணியிலிருந்து 11 மணி வரைக்கும் சூடான இட்லியும் ஆட்டு நெஞ்செலும்பு மிளகு சாப்ஸும் கிடைக்கும். இன்று ஞாயிறு என்பதால் நுரையிரலை பொடிசா வெட்டிப்போட்டு கடலைப் பருப்போடு காரமாய் பிரட்டல் வைத்திருப்பான். இட்லி அது பாட்டுக்கு கணக்கில்லாம உள்ளார போயிட்டே இருக்கும். முத்தையா கடை என்பது ஒரு தூங்கி வாகைமரத்தின் கீழ் பழைய லாரி தார்ப்பாயின் தயவில் முன்று பெஞ்சுகளில் நடக்கிறது, அவ்வளவே. ஆயுத்தப்படை போகவேண்டிய அவசியமில்லாமல் அதைச்சேர்ந்த ஹெட் காண்ஸ்டபிள் ஒருவரை வழியில் பார்க்க நேர்ந்தது, உடனே ஒரு பெண் போலீசை அனுப்ப சொல்லிவிட்டு கடை அருகே வண்டி நிறுத்தி தாழ்வாக கிடந்த தார்பாயினுள் தலையை விட்டு நுழைந்தார். உள்ளே பெரிய தூக்குப்போணியை காட்டியபடி “அஞ்சஞ்சு இட்லியா முணு பொட்டணம், இதுல ஒரு நாலு நுரையிரலு கொழம்பு ஊத்திரு, பொன்மாயன் வக்கீல் சாருக்கு” என்றபடி செவத்தியாரு நின்று கொண்டிருந்தான். சட்டை காலரை பின்னால் இருந்து பிடித்தபடி “இன்னோரு அஞ்சஞ்சா அஞ்சு பார்சல் அதே தூக்குப்போணியில அஞ்சு நுரையிரல் கொழம்பு ஊத்தி கட்டு முத்தய்யா, தூக்குப்போணி கொழம்புக்கு போதுமா ” எனக் கேட்டபடியே ‘சரிதானே செவத்தியாரு, இங்க அவியுது ஸ்டேசனில போய் சாப்பிட்டுக்கலாம் என்று சிரித்தார். ஆற்றாமைக் கண்களோடு அவரை ஏறிட்டான் செவத்தியார் .

( தொடரும் )

Wednesday, April 09, 2014

@ 12:50 AM எழுதியவர்: வரவனையான் 0 மறுமொழிகள்









என்னாதான் முன்னமே பேசித்தான் வைத்திருந்தவைதான் என்றாலும் போலீஸ் ஜீப்பில் குற்றவாளியாக ஏற்றும் போது ஏமாந்துவிட்டமோ என்கிற அச்சம் வந்துவிட்டது சார்லிக்கும் பெனடிக்கிற்கும். ஜீப்பின் இருக்கைகளுக்கு இடையே கீழே உக்கார வைக்கப்பட்டிருந்த இருவரின் கண்களிலும் வலையில் அகப்பட்டுக்கொண்ட முயல்களின் அச்சமிருந்தது. உருவத்திற்கு பொருத்தமில்லா கீச்சுக்குரலில் ’தீப்பெட்டிருக்கா என்று டிரைவர் காளிதாஸ் சைகையில் கேட்க ’இருக்குங்க’ என்றபடி பெனடிக் எடுத்து நீட்டினான்.”அது யாரு நெலம், உங்களுதுன்னு சொன்னீங்க” , சந்தேகமாக கேட்டார். ’சார், எங்களுக்கு கவர்மெண்ட்டு கொடுத்ததுங்க. நல்லமநாயக்கன்பட்டி வாத்தியாரு தோமஸ் அய்யாதான் எங்க சார்பா சப் கலெக்டருக்கும் தாசில்தாருக்கும் எழுதினது. போன கிறிஸ்துமஸுக்கு துணி வாங்க போனப்ப எங்ககிட்டவெல்லாம் கைநாட்டு வாங்கி மனுப்போட்டாரு. இந்த கிறிஸ்துமஸுக்கு மந்திரி ராகவன் ஆளுக்கு முணு ஏக்கரு கொடுத்தாருங்க. எங்களோட சேத்து 18 பேருக்கு கொடுத்தாரு. மித்தவுங்களுக்கெல்லாம் கொடுத்த இடத்தில இருந்து பாத்தா  ரெண்டெல்லப்பாறை பெரிய கோயிலு லைட்டு நல்லாத்தெரியுற மாதிரி காலனி பக்கத்திலயே இடம்.  எங்களுக்கு அடிவாரத்தில கொடுக்கிறேன்னுட்டு கடசில இங்கின கொடுத்திட்டாக “ என்றான பெனடிக் .
விழா நடந்த அன்று தாசில்தார் பட்டியலை ஒவ்வொருவர் பெயர் வாசித்து மேடைக்கு அழைத்த போதும் காலனி மக்களுக்கு ஒரே கூத்தாகயிருந்தது.  பெனடிக்கிற்கும் சார்லிக்கும் எப்பவும் ஆகாது, அவர்கள் பகை என்பது குடும்பப்பகை, ஜென்மப்பகை . விழா நடந்த நாளிற்கு முதல் நாள் கூட  இருவரின் மனைவியும் வெளக்குமாத்தால் அடித்துக்கொண்டனர். “ தோல் ஷாப்பு பாய் கூட படுத்தவளே “  - மணியடிக்கிற கோயில்பிள்ளைகூட   படுத்தவளே” என்று இருதரப்பின் ராஜாங்க ரகசியங்களை சனங்கள் நடுவே குன்றிலிட்ட விளக்காய் ஏற்றி வைத்தனர் .  குழாயடியில் பெனடிக் இருந்தால் சார்லி அந்த பக்கம் போகமாட்டான். தோட்டங்காட்டில் வேலை என்றாலும் பெனடிக் தலை தென்பட்டால் கஞ்சியில்லாம இருந்தாலும் இருக்கலாம் இவன் சகவாசம் வேண்டாம் என்று இருந்துவிடுவான்.  அப்படியே போனாலும் பெனடிக் சாடை பேசாமல் விடமாட்டான். சார்லியின் அம்மாள் அவன் தந்தையுடன் இருந்து பொழைக்கவில்லை.

சார்லிக்கு நேர்மார் அந்தாள். வேட்டைக்கு போறேன்னு சொல்லிட்டு போய் நரியை புடிச்சு உரிச்சு கேழையாட்டு கறின்னு , சாராயம் குடிக்க வந்தவய்ங்க கிட்ட நெருப்புல வாட்டி வித்துருவாரு. அந்த காசில சாராயத்தை குடிச்சிட்டு வந்து படுத்துகிட்டு ஒரே அலம்பலுதான். விடிஞ்சதும் எல்லா ஆம்பளைகளும் வேலைக்கு கிளம்பி போகும் போது இவரு வேப்பங்குச்சிய கடிச்சிகிட்டு 

” யாரவது காசு கொடுத்தா, எவன் பொண்டாட்டி எங்க போனா எத்தன தடவ ஏறினாளுன்னு டிரிப் சீட்டு எழுதி வைக்கிறேன்”னு சொல்லி கடுப்பை கெளப்புவாரு.  

“ எட்டணா காசு கொடுத்து மன்னாரில கப்பலேறினா மதியம் தாசய்யர் கடை ஊத்தாப்பம் சைசில ஊளி மீனு வறுவலோட சோறு போட்டு இந்தியாவுல இறக்கிவுடுவாய்ங்க கப்பல்லர்ந்து, அப்படியே இறங்கினா ரயிலு நிக்கிற இடத்திலர்ந்து, ராம்நாட்டில நல்ல படமா இல்ல மதுரையிலேயான்னு போஸ்டர் பாத்து டிரையினுல டிக்கட்டெடுத்து வந்து சினிமா பாத்துட்டுப்போவேன்”   

என்று சொல்லிக்கொண்டிருக்கும் போதே கண்ணில் நீர் துளிர்த்துவிடும் தன் குடிசையைப் பார்த்து “ஒரு நா ஓழுக்கு ஒடம்பட்டாளேங்கிற நன்றிக்கு வந்து இங்க சீப்படறேன்” என்று கத்துவார் . அந்த குடிசையில் அவர் மட்டும்தான் இருந்தாலும் அதில் அவரின் மனைவி இன்னும் இருப்பபது போலவே பேசித்திரிவார்.

அவரின்  இளமைக்காலம் நன்றாக இருந்தது என்று மட்டும் சுற்றியுள்ள பெரியவர்களுக்கு புரிந்தது. எப்போதுமே கொண்டாட்டக்காரனாய் இருப்பவனிடத்தில் ஒரு பெருஞ்சோகம் புதைந்திருக்கும் என்பதை முதலில் கண்டுபிடித்தது  விசுவாசம் தான். விசுவாசத்திற்கு 70 வயதாகியது,  மூன்று கணவன்களுடன் வாழ்ந்து முடித்திருந்தாள், “ ஏண்டாய்யா நல்ல பொழப்ப பொழச்சுபுட்டு இங்க வந்து கோமாளியாட்டமா ஆடிகிட்டு திரியுற,புடிக்கைலேன்னா எங்கிட்டாவது ஓடிப் போயிடய்யா !” என்றாள் யாருமில்லாத பொழுதின்றில். குடிவெறி கலைந்துவிடுமளவுக்கு  அழுதவாறே சொன்னான் “ மொத புள்ள அல்போன்சா மொகத்த பார்க்காம இருக்க முடியலம்மா, எங்க அம்மா போலவேயிருக்கா , ஒரு நா ராத்திரி இல்லைன்னா மக்க நா நெஞ்சிலேறி படுத்துக்கிறா. பொட்டப்புள்ள அப்பன் ஒடம்பு சூட்ட பழகிட்டா நாய்க்குட்டியாட்டம் கெண்டைக்காலை கவ்விகிட்டுவிடாதுங்கிறது சரியாத்தான் தாயி இருக்கு”

”தின்னவேலி தாண்டி வள்ளியூருக்கு தெக்கால எங்கிட்டோ கெடந்த சிறுக்கி தாயி அவ, ராம்நாட்டில இருந்து தங்கிச்சிமடத்துக்கு ஒரு டொங்கிரி லாரி போச்சு, காலையில ஒரு கப்பலு கெளம்புதுனு பேசிகிட்டாய்ங்க, செரி அங்கின போயி எவனையாது கெஞ்சிக்கெதறி ராமேஸ்வரம் போய் கப்பலேறிடலாம்ன்னு லாரியில ஏறின அன்னைக்கு பிடிச்ச கெரகம், அவளே போனாலும் விடமாட்டேங்கிது” 

அப்படியான குடும்பப்பகையாளிகள் இருவருக்கும் அடுத்தடுத்து அழைத்து கொடுத்த போதே கொல்லென்று சிரித்த மக்கள்,  அடுத்த நாள் தலையாரி வந்து யார் யாருக்கு எங்கெங்கு இடம் ஒதுக்கப்பட்டிருக்கிறது என்று சொல்லும் போது சிரித்து குமித்துவிட்டார்கள்.    



.கேணி மேட்டுக்கு போனவர்கள் வந்தனர். “ ஜீப்பின் அருகே வரவர ஃப்யூலா கெஞ்சிக்கொண்டே வரும் சத்தம் கேட்டது. பின்னாடிக்கதவை திறந்து படியே “ போறவெய்ன் வாறவேய்ன இவ படுக்க கூப்பிட்டானு கேசெழுதி திருச்சிக்கு அனுப்பு, அங்கதான் தேவெடியாவ பூராம் மொட்டையடிப்பாளுக” என்றபடியே அவளின் செம்பட்டை பாவியிருந்த கூந்தலை சுருட்டி பிடித்துக்கொண்டு வந்த கடற்கரை அதை வைத்தே ஃப்யூலாவை வண்டியிலேத்தினார்.

அய்யா சாமி என்று அதுவரை ஜீப்பினுள் புலம்பிக்கொண்டிருந்த ஃப்யூலா,  சிறுமலை செட் அருகே மூடிய  ரயில்வே கேட்டிற்காக ஜீப்பை நிறுத்தி அதிகாரிகளும், காவலர்களும் திசைக்கொரு பக்கம் புகைக்கபோன போது, பெனடிக்கிடமும் சார்லியிடமும் “பயப்பிடாதீங்க, மாமா கொஞ்ச நேரத்தில வக்கிலோட வருவாரு” என்றாள். 




( தொடரும் ) 
    











Wednesday, April 02, 2014

@ 4:24 PM எழுதியவர்: வரவனையான் 0 மறுமொழிகள்






அந்த கிராமத்தின் பிரதான சாலை என்பது தெற்கிலிருந்து வரும் 15 அடி தார்ச்சாலை ஒன்றேவடக்கிலிருக்கும் நகரத்துக்கு போகும் அந்த சாலையின் இருபுறமுமாய் இருபது முப்பது வீடுகளும் ஒன்றிரண்டு கடைகளும் இருந்தன.இரண்டு முன்று சந்துகள் இவ்வளவுதான் அந்த கிராமத்தின் விஸ்தீரணம்கிட்டதட்ட ஒரே சாதிசனம்போஸ்ட்மாஸ்டர் மட்டும்தான் வெளியூர்காரர்.தோட்டங்களில் குடியிருப்போர் மாலை வேளைகளில் கிராமத்துக்குள் வந்தமர்ந்து பழமை பேசிவிட்டு போவதற்கு சிலுவைத் திண்ணை அருகில் சாவடியும் டீக்கடையும் இருந்தன.

சாராயக்கடைகள் அரசால் குத்தகைக்கு விடப்பட்டிருந்தாலும் இந்த பகுதிகளில் யாரும் குத்தகைக்கு எடுப்பதில்லை.காரணம் இந்த பகுதி 100க்கு 80 ஆண்களுக்கு நல்ல சாராயம் காய்ச்ச தெரியும்அவர்களுக்குள் சிண்டிகேட் போட்டு காய்ச்சிக்கொள்வதால் கடைகளுக்கு வருவதில்லைஎன்னாதான் நகரத்தில் அரசு சாராயம் கிடைத்தாலும் இந்த பகுதிகளில் உற்பத்தி செய்யப்படும் சரக்கைப்போல் சுவையாகவும் ஸ்ட்ராங்காவும்மிக முக்கியமாய் மறுநாள் சொடக்கு எடுத்துவிட்டது போல அதிகாலை எழுந்து அவனனன் பொழப்பை பார்க்கலாம்தலை வலிப்பது உடல் வலிப்பது போன்ற எந்த தொந்திரவும் இருக்காதுவெள்ளைக்காரன் இதை சரியா கவனிக்கலைகவனிச்சிருந்தா இந்த சாராயத்தையும் ஒரு பிராண்டா ஆக்கிருப்பான்பாம்பேயில ஒருத்தர் வெள்ளைக்கார துரைக்கு பிரத்யோகமாக தயாரித்து கொடுத்த ஜின் வகைதான் பின்னாளில் பாம்பே  சஃபையர் ஜின் என்று உலக பேமஸாகியதுஆனால் ஒரிஜினல் பாம்பே சஃபையர் ஜின்னின் செய்முறை பாதாம் பருப்பினையும் குங்குமப்பூவும் ஊறலில் போட்டு தாயரிப்பதுஅதனின் முறைப்படி இன்று செய்தால் ஒரு 750 மிலி பாட்டில் 2000 ரூபா ஆகும் அது மாதிரித்தான் இதுவும்பின்ன சும்மாவா150 வருஷமா சொந்தமாக தயாரித்து விற்கும் பகுதியில் ஒரு சாராயச் சாவே நடக்கலைன்னா பாருங்களேன்பிரான்சில் இதுமாதிரி கிராமப்புற ஒயின் மதுபான செய்முறைகளை சாட்டூ கிராமம் ) என்று வகைப்படுத்தி உற்பத்தி செய்ய ஊக்கப்படுத்தி வருகின்றனர்இங்கையே இது போன்ற கலைஞர்களை கள்ளச்சாராய ரெய்டு என்கிற பெயரில் வேட்டையாடி வருகிறார்கள்.

ஊருக்கு வடக்கே சாலைக்கு மேற்கே பொட்டல்காட்டில் ஒற்றையாக பரந்து விரிந்து நின்றிருந்த புளியமரத்தின் கீழ் கடற்கரை நின்று கொண்டிருந்தார்மணி எட்டே முக்கால்வெய்யில் ஆரவாரமாக அடித்துக்கொண்டிருந்ததுபுளியமரம் என்பதால் கூடுதலாக அவிந்ததுஆடு மேய்க்க போகும் கிழவிகள் ஏற இறங்க பார்த்துக்கொண்டே போனார்கள்.சார்லியுடன் வேறு இருவரும் வருவது தெரிந்ததுவந்தவர்கள் ரோட்டிலேயே நின்று கொண்டார்கள்சார்லி மட்டும் கையில் வெறும் சொம்புடன் வந்தான்.

ஏன்யா அந்த போஸ்ட் மாஸ்டர் சில்வர் சொம்பு கொடுத்துவிடமாட்டானாகொல்லைக்கு எடுத்து போற சொம்பு கணக்கா இருக்கு ”
அய்யாகாலையில பால் வாங்கின சொம்பாம்அவரு சம்சாரமே எடுத்தாந்து புளி போட்டு வெளக்கி கொடுத்துச்சுங்கய்யா,
ஹிம்இதப்பார்யாபோஸ்ட் மாஸ்டரு பசும்பாலில தான் வெளிக்கி போயிட்டு கால் கழுவுவானாமணியார்டருலாம் ஒழுங்காத்தான் கொடுக்கிறானான்னு பாக்க சொல்லனும்” 
இந்த நக்கலும், சந்தேகிக்கும் குணமுமே கடற்கரையின் இயல்பு.
யார்யா அவய்ங்கஉங்கூட வந்திட்டு ரோட்டிலையே நிக்கிறதுஉன் சொந்தகாரய்ங்களா”
இல்லிங்கய்யாஇந்த ஊரு கோல்காரர் ஆரோக்கியமும் அவருகூட வேலையாளுங்க !
என்னாவாம்யாநா இன்னாரு வந்திருக்கேன்னு ஊருக்குள்ள சொன்னியாக்கும் இம்சையா உங்கூட… 
அய்யாஅவருதான் இந்த ஊரில சரக்கோட்டுறாருநீங்க நிக்கறீங்கன்னு தெரிஞ்சுகிடவும் பின்னாடியே வந்துட்டாங்க.

சார்லி சொல்லிக்கொண்டிருக்கும் போதே கயித்து கட்டிலை ஒருவன் தலையில் வைத்து தூக்கிக்கொண்டு வந்து போட்டுவிட்டு போனான்.

கோல்காரர் இருபதடிக்கு முன்னாடியே வணக்கத்தை போட்டு கடற்கரையின் மறுமொழிக்காய் நின்றார்

என்னய்யா ஊர காப்பாத்துறேன்னு சிலுவத்தூணில சத்தியம் பண்ணி கோல்கார பதவி வாங்கிட்டு சாராயம் வித்துகிட்டு திரியுறியா”   

பொழப்பே அதுதான்னு ஆகிப்போச்சுங்கய்யாவெளியூருகாரங்களுக்கு விக்கிறதில்லை ட்யூபில ஏத்தி கரூர்,நாமக்கல்லுன்னு லைனுக்குதான் அனுப்புறேங்கய்யா” என்றார்

ஆமாமா அன்னிக்கு உங்கூருக்காரந்தான் ஒருத்தன் என் புல்லட் சவுண்டை கேட்டு வெரட்டுறேன்னு நெனச்சு டிவிஎஸ்50ல முறுக்கு முறுக்குன்னு முறுக்கி ஜல்லிக்கல் மட்டும் பாவுன மெட்டல் ரோட்டுல விழுந்தான்மீனை செதிலெடுக்க தரையில தேய்ப்போம்ல அது மாதிரி தேய்ஞ்சு எந்திருச்சான்பக்கத்து தொழுவத்துல மாட்டு கழுத்து புண்ணுக்கு போடவச்சிருந்த மஞ்சத்தூளை வாங்கி போட்டுவுட்டு அனுப்பினேன்” 

ஆமாங்க சார் ! இந்தா இவந்தாங்க அந்த பையன்அந்த புண்ணு பக்கு உதிரவே ஒரு மாசம் ஆச்சுங்கஆனா தெறமக்காரன் அந்த காயத்தோட டிவிஎஸை ஓட்டிகிட்டே போய் ஜேடர்பாளையத்துல ட்யூபை போட்டு காசையும் வாங்கிட்டு வந்திட்டான்இவந்தாங்கய்யா உங்களை அடையாளம் கண்டது என்றவர் கொஞ்சம் முன்னாடி வந்தார் பயம் விலகியவரை போல

சாமி சாப்பிடுறேன்னு சொன்னிங்களாம்தவக்காலம் முடிஞ்சன்னைக்கு போட்ட ஊறலில ஒரு சேவலை கழுத்த திருகி உள்ள போட்டு வச்சிருந்ததுவிடியத்தான் ஊறலை உடைச்சு எடுத்து அடுப்பை பத்த வச்சோம் வடிஞ்சுகிட்டு இருக்குது. டவுணு பக்கம் கெடைக்காத சித்துக்கோழி நிறைய மேயுதுங்க, புடிச்சு அடிக்க சொல்லுறேன்சூடா சாராயமும் சோறும் சாப்பிட்டுட்டு போங்க என்றார் ஆரோக்கியம்

இதுதான் இந்த பகுதியின் சிறப்பே கையில கிடைகிறதெல்லாம் பிடிச்சு ஊறலில் போட்டு வடிச்சுருவாங்க,ஒவ்வொன்னும் ஒரு சுவை,மனம்ஒரு முறை பூமார்க்கெட்டுக்கு கொண்டுபோக பறித்து பஸ் பஞ்சரானதால் மீதமாகிய மொட்டு மல்லிகையை ஊறலில் போட்டுவிட்டான் ஒரு பயபத்து நாளு கழிச்சு எடுத்து வடிச்சு கொடுத்துவிட்டாங்க வாசனை அப்படி ஒரு வாசனை மூக்கை துளைக்காத மெலிசான பூ வாசனை. மொத தடவ  
சாராய வாசனை வராத சாரயத்தை அப்பத்தான் கடற்கரை பார்த்தது. இயற்கையாகவே திராட்சை அதிகம் விளையும் பகுதி வேற, மண்ணுவாகு அப்படி. ஒரு கூடை சப்போட்டா பழத்தை ( 10 கிலோ ) மட்டும் ஒரு வாரத்துக்கு ஊறல் போட்டு வடிச்சா 600 மில்லிதான் வடிசல் தேறும். அதுனாலதான் வேலம் பட்டை, கடுக்காய்ன்னு போட்டு காய்ச்சிருராங்க. மத்த பக்கம் மாதிரி நமச்சாரம் பேட்டரிகட்டையெல்லாம் கிடையாது. 

வேலை பார்க்கும் காவல் நிலையத்தில் லாக்-அப் டெத் நடந்துள்ளதுதனக்கு கீழ் வேலை பார்த்த ஒரு போலீஸ்காரனையே உக்காரா வைத்திருக்கிறார்கள் பிரேத பரிசோதனை ரிப்போர்ட்  வந்தால் அவன் களி திங்க வேண்டியதுதான்அவனின் குடும்பம் கஸ்டப்படும்நேற்று காலையில் சென்னையில் போட்ட காக்கி பேண்ட்டும் டி-சர்ட்டும் வேறு கசகசக்கிறதுதன்னையும் வேறு ஸ்டேசனுக்கு மாற்றியுள்ளார்கள்இவ்வளவுக்கும் இடையில் சேவலில்வடித்த சாராயம்சித்துக் கோழி கறி என்று சல்லாபம் தேவையா என யோசனை ஓடியதுஇந்த சார்லியை ஒரு செம்பில் வாங்கிக்கொண்டு வாடா என்றுதானே சொன்னோம்அப்படி செய்திருந்தால் சட்டுபுட்டென்று சாப்பிட்டுவிட்டு இன்னேரம் வாழக்காய்பட்டி போயிருக்கலாம்இப்படி மேக்க போற ரோட்டிலில உட்டிருந்தா மொட்டணம்பட்டி கிட்டவேபோயிருப்போம்குளிச்சிட்டு பெரியாஸ்பத்திரி போய் ரிப்போர்ட்டுல் என்ன எழவ எழுதியிருக்கானுங்கன்னு பாத்துட்டு,சரி பண்ண முடியுதான்னு பார்க்கனும்சாயந்திரம் பெரியய்யா மதுரையில இருக்காரான்னு போன் பண்ணி கேட்டுகிட்டு போய் பார்க்கணும்ரெகுலர் டிரான்ஸ்பர் போட்டிருக்காங்களா இல்ல பனிஷ்மெண்ட் டிரான்ஸ்பரான்னும் பார்க்கனும்.ரெகுலர்ன்னா பதினைஞ்சு நாள் டைம் இருக்கு ஜாயின் பண்ணபனிஷ்மெண்ட்னா நாளைக்கே ஜாயின் பண்ணனும் என்று பலவாறாக எண்ணம் ஓடியதுஇதற்கிடையில் கோல்காரர் கடற்கரையின் சொல்லுக்காய் நின்றுகொண்டிருந்தார்.  

கயித்துகட்டிலை கொண்டு வந்தவன்இம்முறை வேட்டி ஒன்றையும் எடுத்து வந்து நீட்ட “அய்யாபுது எம்ஜியார் வேட்டிங்க.பொங்கலுக்கு ரேஷனில் கொடுத்ததுதான்கட்டிகிட்டு இருங்கசெத்த நேரத்தில சோறும் கொழம்பும் வந்துரும் என்றபடி கோல்காரர் கட்டிலின் எதிரே தரையில் அமர்ந்தார்.

தாமஸ்புரம் பெரியதனம் சவரிமுத்து என்னய்யா பண்ணுறாரு இப்ப,வெவசாயம்தானா” என்று வேட்டிக்கு மாறியபடி கோல்காரரை கேட்டார் கடற்கரை.
அய்யா அவரு மூஞ்சியிலதான் நீங்க சாணிய பூசின மாதிரி செஞ்சுபுட்டீகளே” என்றார் கோல்காரர்.
மிக்கேல்பாளையம் செபஸ்தியாரு மேல நீங்க போட்ட கேஸுல இந்த சார்லி பயலையும் பெனடிக்கையும் அக்கூயுஸ்ட் ரெண்டும் மூணும்ன்னு சேர்த்துவிட்டிகளா, அங்க புடிச்சது அந்தாளுக்கு கேடு காலம்’ என்றபடி கட்டைப் புகையிலையை எடுத்து கடித்தார்.

அன்று சொன்னது போலவே காலை மணிக்கெல்லாம் ஜிப்பில் போய் ரோட்டில் இறங்கி தோட்டத்துக்குள் கிழக்கோர கேணியை நோக்கி போகும் போது “கட்டியை தின்னிகசாண்டய குடிக்கிக எப்ப பாரு இந்த ஊரு பக்கமே ரெய்டு வந்து நோண்டிகிட்டே இருக்காய்ங்க” என்றபடி தனியாக வெண்டைக்காயொடித்துக் கொண்டிருந்த பெண் ஒருவர் மண்ணை வாரி தூத்தஅவளை விரட்டி பிடித்த ’ரெண்டு கோடு’ ஏட்டய்யா மோகன் அவளின் முலையை பிடித்தே இழுத்து வந்து மற்ற காவலர்கள் முன் விசிறியடித்தார்.”அய்யோ செத்தேன்” கத்திக்கொண்டே விழுந்தாள். “ ஏண்டி கண்டாரொலி முண்டை செய்யுறது லோலாயித்தனம்இதுல நாங்க கட்டிய திங்கணுமாம் ” என்று கறுவியபடி இன்ஸ்பெக்டர் அவளின் வயித்தில் மிதித்தார்.

எல்லா வீரமும் வலியுணரும் வரைதான்ஆனால் அந்த வலியை மனது எப்போது உணருகிறது என்பதில் இருக்கிறது.ஈவிரக்கமின்றி முலையை பிடித்து இழுத்து சுற்றி நின்று ஆறேழு ஆண்கள் அடித்து மிதித்து கொண்டிருக்கும் போது இந்த கணத்திலிருந்து மீண்டால் போதுமென்று அவளின் மனது முடிவெடுத்தது. ”அய்யா சாமி சாமிஎனக்கு தெரியாதுங்க,விட்டுடுங்கநான் தோட்டத்து வேலைக்கு வந்தேங்க” என்று அலறினாள் . “யோவ்புடிச்சு சீலையை உருவி வண்டியில ஏத்துஅரை மூட்டை கஞ்சா வச்சிருந்தான்னு ஜெயிலுக்கு அனுப்பிடுவோம், ” என்றார் இன்ஸ்பெக்டர். ”உன் புருசன் பேரு என்னாடி” கடற்கரை கேட்டார். ”செவத்தியாருங்க” என்றாள். ”பாருங்கய்யா இவ இந்த மிக்கேல்பாளையம் செபஸ்தியாரு பொண்டாட்டிதான்அதான் இம்பூட்டு சலம்பு சலம்பிருக்கா” என்றபடி அவளின் முதுகில் வெறும் கைகளால் அடித்தார் ஒரு போலீஸ்காரர்.

” சாமீ அந்தாளு இல்லிங்க இவரு டிரைவருங்க” என்றாள்உன்னை ஓட்டுற டிரைவரா என்றபடியே அவிழ்ந்துகிடந்த முடியினை கொத்தாக கையினால் சுருட்டி இழுத்துக்கொண்டு கிழக்கே அந்த ரெய்டு டீம் நடந்து சென்றதுஇதை தூரத்தில் இருந்து பார்த்துக்கொண்டிருந்த சார்லிக்கும் பெனடிக்கிற்கும் அடிவயிறே கலங்கியதுஇப்படி போலீஸ்காரர்களால் இழுத்து வரப்படும் ஃப்யூலாதான் சார்லியையும் பெனடிக்கையும் அவர்களுக்கு அரசு இலவசமாய் ஒதுக்கியுள்ள இடத்தை காட்ட தலையாரி அழைத்து வந்த பொழுது திட்டோ திட்டென்று திட்டி விரட்டிவிட்டவள்.அவளுக்கே இந்த அடின்னாநாம போலீஸ் சொல்லித்தான் வந்திருக்கிறோம்ன்னு ஃப்யூலாவுக்கு தெரிஞ்சா நாளைக்கு இப்படி வந்து நெலத்தில நிக்ககூட முடியாம போயிடுமேபோலீஸ் காரனுங்களை நம்பகூடாதுன்னு சும்மாவா சொல்லுவாய்ங்க இது எதோ கரைச்சலுல போய்த்தான் முடியும் போலன்னு விதுக்கு விதுக்கு முழிச்சுகிட்டு நின்றார்கள்.அப்பத்தான் அந்த அதியசம் நடந்தது.

அய்யா அந்த நிக்கிற காலனிக்காரங்கள கேட்டு பாருங்கய்யாநான் வெண்டிக்கா ஒடிக்கத்தான் வந்தேன்” என்று ப்யூலா சார்லியையும் பெனடிக்கையும் காட்டினாள். 300 மீட்டர் தூரத்தில் நின்று கொண்டிருந்தனர் இருவரும்வேகமாக போனால் தப்பானவர்களாக இருந்தால் ஓடிவிட வாய்ப்பிருக்கு என்று கருதிய இன்ஸ்பெக்டர்இங்கிருந்தே கையசைத்தார்.

சார்லி முதல் நாளே எஸ்.ஐயுடன் பேசியுள்ளதால் ஒன்றும் ஆகாது என்கிறதால் கொஞ்சம் தைரியமாகவும் பெனடிக் லேசான அச்சத்துடனும் வந்தார்கள். ” எந்தூருடா நீங்க” என்றார் அரிஜன காலனிங்க என்றனர்.
இவளைத் தெரியுமா ‘ கொத்தாய் பிடித்திருந்த முடியுடன் ப்யூலாவின் தலையை ஆட்டி கேட்டார் மோகன்.

தெரியுங்க பெரியதனம் சவரிமுத்து அய்யாக்கு வேண்டப்பட்டவங்க

இந்த ஊரில பூராப்பேரும் அந்தாளுக்கு வேண்டப்பட்டவந்தான் – என்றார் டிரைவர் காளிதாஸ்

” நீ என்ன வேலைடா பாக்குற ” என்றார் கடற்கரை சார்லியை பார்த்து.
அவன் சூழலறியாமல் லேசா இளித்துக்கொண்டே “அதான் என்னை உங்களுக்கு தெரியும்ல சார்” என்றான்.
பொளேர் என்று கிறுகிறுத்து போகுமளாவிற்கு ஒரு அறை விட்டார்.
””கேட்டா பதிலை சொல்லுடா என்னாத்துக்கு இளிப்பு” ஒன்றுமே புரியவில்லை சார்லிக்கு ஐயாவென்று உக்காந்துவிட்டான்.

ஐயா இவனுங்க கடுக்காய் சப்ளை பண்றவைய்ங்க எனக்கு தெரியும் ஒரு தடவ தெத்துபட்டி கம்மாக்கரையில வெரட்டும் போது ஓடிட்டானுங்க என்றபடி இருவரின் சட்டையை அவிழ்த்து பின்னால் கட்டினார்.
காளிதாஸ்,கருப்புசாமி இவனுங்களை கொண்டு போய் ஜீப்பில உக்கார வையுங்ககேணி மேட்டுக்கு இவளை கூட்டிட்டுபோய் பாத்திட்டு வர்றோம் என்றபடி இன்ஸ்பெக்டரும், கடற்கரையும்ஜேம்சும் போனார்கள்.

தொடரும் )